റിയാദ്: സഊദിയില്‍ അവധികാലം ചിലവഴിക്കാനെത്തിയ എമിറാത്തി കുടുംബം അപകടത്തില്‍പെട്ടു മാതാവും നാലു കുട്ടിള്‍ക്കും ദാരുണാന്ത്യം. കിഴക്കന്‍ സഊദിയിലെ നാരിയക്ക് സമീപമാണ് അപകടം നടന്നത്. അഞ്ചാമത്തെ കുട്ടി അപകടത്തില്‍ നിന്ന് അത്ഭുതകരമായി രക്ഷപ്പെട്ടു.

രണ്ടു കാറുകളിലായാണ് കുടുംബം യു.എ.ഇയില്‍ നിന്നും സഊദിയിലേക്ക് തിരിച്ചത്. നാരിയ എന്ന പ്രദേശത്തു കൂടിയായിരുന്നു യാത്ര. ഇവിടെ കുടുംബം അവധിക്കാലം ചിലവഴിക്കാനുദ്ദേശിച്ച സ്ഥലത്തു ഏകദേശം എത്തിയപ്പോഴാണ് ദാരുണ അപകടം ഉണ്ടായത്. ഇവര്‍ സഞ്ചരിച്ചിരുന്ന കാറിന് നേരെ എതിര്‍ദിശയില്‍ അമിത വേഗതയിലെത്തിയ മറ്റൊരു കാര്‍ ഇടിക്കുകയായിരുന്നു. അപകടത്തില്‍ നാലുപേരും തല്‍ക്ഷണം മരിച്ചു.