ബഹ്‌റൈന്‍: ഐ.വൈ.സി.സി ബഹ്‌റൈന്‍ ദേശീയ കമ്മിറ്റിയുടെ ആഭിമുഖ്യത്തില്‍ മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായിരുന്ന ലീഡര്‍ കെ കരുണാകരന്റെ എട്ടാമത് ചരമ വാര്‍ഷിക ദിനം 'ലീഡര്‍ സമൃതിദിനം' ആയി ആചരിച്ചു.

സല്‍മാനിയയില്‍ സ്ഥിതിചെയ്യുന്ന ഇന്ത്യന്‍ ഡിലൈറ്റ് ഹാളില്‍ വച്ചു നടന്ന അനുസ്മരണ ചടങ്ങില്‍ ഐ.വൈ.സി.സി ആക്ടിംഗ് പ്രസിഡന്റ് വിനോദ് പിള്ള അധ്യക്ഷത വഹിച്ചു. ഒ.ഐ.സി.സി ഗ്ലോബല്‍ സെക്രട്ടറിയും സാമൂഹ്യപ്രവര്‍ത്തകനുമായ ബഷീര്‍ അമ്പലായി അനുസ്മരണ പ്രഭാഷണം നടത്തി. യു.കെ അനില്‍ കുമാര്‍, കേന്ദ്ര കമ്മറ്റി ഭാരവാഹികള്‍, ഏരിയാ ഭാരവാഹികള്‍ ലീഡര്‍ കെ.കരുണാകരനെ അനുസ്മരിച്ചു സംസാരിച്ചു.

പുഷ്പാര്‍ച്ചനയോടു കൂടി ആരംഭിച്ച സ്മൃതിദിന ചടങ്ങിന് ഐ.വൈ.സി.സി. ജനറല്‍ സെക്രട്ടറി റിച്ചി കളത്തൂരേത്ത് സ്വാഗതവും, ട്രഷറര്‍ ഷബീര്‍ മുക്കന്‍ നന്ദിയും പറഞ്ഞു.