അരീക്കോട്: പ്രായപൂര്‍ത്തിയാക്കാത്ത പെണ്‍കുട്ടിയെ പീഡിപ്പിച്ചു രംഗം കാമറയില്‍ പകര്‍ത്തിയ പ്രതിയെ അറസ്റ്റ് ചെയ്തു. ഊര്‍ങ്ങാട്ടിരി കുരിക്കലംമ്പാട് സ്വദേശി പുളിയക്കോടന്‍ മുജീബ് റഹ്മാ (24) നെയാണ് മഞ്ചേരി സി.ഐ ഷൈജുവിന്റെ നേതൃത്വത്തില്‍ അറസ്റ്റ് ചെയ്തത്. നിലമ്പൂര്‍ സ്വദേശിയായ പെണ്‍കുട്ടിയുടെ പരാതിയിലാണ് അറസ്റ്റ്. പെണ്‍കുട്ടിയെ മുജീബ് റഹ്മാനു വിവാഹം ചെയ്തുനല്‍കാമെന്ന് ഇരു കുടുംബങ്ങളും നേരത്തേ നിശ്ചയിച്ചിരുന്നു. പിന്നീട് പ്രതിയുടെ സഹോദരിയുടെ വിവാഹത്തില്‍ പങ്കെടുക്കാനെത്തിയ പെണ്‍കുട്ടിയെ പ്രതിയുടെ വീട്ടില്‍വച്ച് പീഡിപ്പിക്കുകയും നഗ്‌ന ഫോട്ടോ എടുക്കുകയും അതു കാണിച്ചു വീണ്ടും പലതവണ പീഡിപ്പിച്ചെന്നുമാണ് പരാതി. പ്രതിയെ ഇന്നു കോടതിയില്‍ ഹാജരാക്കും.