മലപ്പുറം: തുല്യജോലിക്ക് തുല്യവേതനം നടപ്പാക്കുക, കരാര്‍ നിയമനം നിര്‍ത്തലാക്കുക, തൊഴിലാളുകളുടെ കുറഞ്ഞ പ്രതിമാസ പെന്‍ഷന്‍ 5,000 രൂപയാക്കുക തുടങ്ങിയ ആവശ്യങ്ങളുന്നയിച്ച് ഐ.എന്‍.ടി.യു.സി കേരളാ ബ്രാഞ്ച് കമ്മിറ്റി നടത്തുന്ന സംസ്ഥാന സമരപ്രഖ്യാപന ജാഥ 19നു ജില്ലയിലെത്തും. നാളെ കാസര്‍കോട്ടുനിന്നാരംഭിക്കുന്ന ജാഥ പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും.
19ന് രാവിലെ 10.30ന് കൊണ്ടോട്ടിയിലാണ് ജില്ലയിലെ ആദ്യ സ്വീകരണം. കോട്ടക്കല്‍, വണ്ടൂര്‍ എന്നിവിടങ്ങളില്‍ പര്യടനം നടത്തി വൈകിട്ട് അഞ്ചിനു പെരിന്തല്‍മണ്ണയില്‍ സമാപിക്കും.
ആര്യാടന്‍ മുഹമ്മദ്, എ.പി അനില്‍കുമാര്‍, വി.വി പ്രകാശ് സംസാരിക്കും.
വാര്‍ത്താസമ്മേളനത്തില്‍ എന്‍.എ കരീം, വി.പി ഫിറോസ്, അഡ്വ. ബെന്നി തോമസ് പങ്കെടുത്തു.