കല്‍പ്പറ്റ: കോട്ടത്തറ പഞ്ചായത്തില്‍ ജലനിധി പദ്ധതിയുടെ വിവിധ ഘട്ടങ്ങളിലായി നടപ്പാക്കിയ പ്രചരണ നിര്‍വഹണ പരിപാടി ലോക ബാങ്ക് ടീം അവലോകനം നടത്തി. 32 ഗുണഭോക്തൃ സമിതികളില്‍ നിന്നും ഭരണ സമിതി അംഗങ്ങള്‍ പങ്കെടുത്തു.
സഹായ സംഘടനയായ സര്‍വ സേവാമണ്ഡലത്തിന്റെ നേതൃത്വത്തില്‍ നടത്തിവരുന്ന ആരോഗ്യ, ശുചിത്വ, കുടിവെള്ള പദ്ധതിയുടെ നടത്തിപ്പില്‍ ലോകബാങ്ക് ടീം സംതൃപ്തി രേഖപ്പെടുത്തി.
യോഗത്തില്‍ ഗ്രാമപഞ്ചായത്ത് പ്രസിഡന്റ് ലീലാമ്മ ജോസഫ്, വൈസ് പ്രസിഡന്റ് വി.എന്‍ ഉണ്ണികൃഷ്ണന്‍, ലോകബാങ്ക് ഐ.ഇ.സി പ്രതിനിധി സുരേഖ പിള്ള, ജലനിധി ഉദ്യോഗസ്ഥരായ സുരേഷ് ബാബു, രാഹുല്‍, ജിജോ ജോസഫ്, ഒ.പി എബ്രഹാം, യോഹാന്‍, അജിത് കൃഷ്ണ, പി ലക്ഷ്മണന്‍, കെ.ആര്‍ രാജേഷ് സംസാരിച്ചു.