ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ചെല്‍സിക്ക് ജയം. ഇന്നലെ നടന്ന മത്സരത്തില്‍ വാട്‌ഫോര്‍ഡിനെയാണ് 2-1 ന് ചെല്‍സി തകര്‍ത്തത്. ആദ്യ പകുതിയുടെ അവസാനത്തില്‍ ഈഡന്‍ ഹസാര്‍ഡ് ചെല്‍സിക്കായി ആദ്യ ഗോള്‍ സ്‌കോര്‍ ചെയ്തു. രണ്ട് മിനുട്ട് കഴിയും മുന്‍പ് വാട്‌ഫോര്‍ഡ് താരം റോബര്‍ട്ടോ പെരേയ്‌ര ഗോള്‍ മടക്കി സമനില പിടിച്ചു. 58 ാംമിനുട്ടില്‍ പെനാല്‍റ്റിയിലൂടെ ഹസാര്‍ഡ് വീണ്ടും ലക്ഷ്യം കണ്ടു. ജയത്തോടെ 19 മത്സരത്തില്‍ നിന്ന് 40 പോയിന്റുള്ള ചെല്‍സി നാലാം സ്ഥാനത്തെത്തി. മറ്റൊരു മത്സരത്തില്‍ ആഴ്‌സനലിലെ ബ്രൈടണ്‍ 1-1ന് സമനിലയില്‍ തളച്ചു. ഏഴാം മിനുട്ടില്‍ ഒബമയോങാണ് ആഴ്‌സനലിന് വേണ്ടി ലക്ഷ്യം കണ്ടത്. 35 ാം മിനുട്ടില്‍ യോര്‍ഗന്‍ ലോക്കാഡിയയിലൂടെ ബ്രൈടണ്‍ സമനില പിടിച്ചു. സമനിലയോടെ 38 പോയിന്റുമായി ആഴ്‌സനല്‍ അഞ്ചാം സ്ഥാനത്താണ്.