അരീക്കോട്: ഗ്രാമപഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി നിര്‍മിച്ച ശിഹാബ് തങ്ങള്‍, കെ. കരുണാകരന്‍ സ്മാരക ബസ് സ്റ്റാന്‍ഡ് യാര്‍ഡിന്റെയും അപ്രോച്ച് റോഡിന്റെയും ഉദ്ഘാടനം ഇന്നു രാവിലെ പത്തിനു പി.കെ ബഷീര്‍ എം.എല്‍.എ നിര്‍വഹിക്കും.
അരീക്കോട് പഞ്ചായത്ത് പ്രസിഡന്റ് അമ്പായത്തിങ്ങല്‍ മുനീറ അധ്യക്ഷയാകും. ജില്ലാപഞ്ചായത്തംഗം അഡ്വ. പി.വി മനാഫ്, അരീക്കോട് ബ്ലോക്ക് പഞ്ചായത്ത് പ്രസിഡന്റ് പറമ്പന്‍ ലക്ഷ്മി, പഞ്ചായത്ത് വൈസ് പ്രസിഡന്റ് എ.ഡബ്ലിയു അബ്ദുര്‍റഹിമാന്‍, ബ്ലോക്ക് സ്ഥിരംസമിതി അധ്യക്ഷന്‍മാരായ സി. അബ്ദുര്‍റഹിമാന്‍ മാസ്റ്റര്‍, ശ്രീപ്രിയ, പഞ്ചായത്ത് സ്ഥിരംസമിതി അധ്യക്ഷന്‍മാരായ വി.പി സുഹൈര്‍, സറീന ജാഫര്‍, ഷീന അയ്യാടന്‍ സംബന്ധിക്കും.