വടക്കാഞ്ചേരി : മതേതരത്വത്തിന്റെ മഹനീയത മുഴക്കി ഇസ്‌ലാം വിശ്വാസിയായ സംഗീതാധ്യാപികയുടെ നേതൃത്വത്തില്‍ അകമല ശ്രീ ധര്‍മ്മശാസ്താ ക്ഷേത്രത്തില്‍ സംഗീതാര്‍ച്ചന.
വടക്കാഞ്ചേരിയിലെ കലാമണ്ഡലം ഹൈദരാലി സംഗീത വിദ്യാലയത്തിലെ വിദ്യാര്‍ഥികളാണ് തങ്ങളുടെ ഗുരുനാഥ സൈബുന്നീസാ ഖാനോടൊപ്പം ക്ഷേത്രത്തിലെ സംഗീത മണ്ഡപത്തില്‍ ഒന്നര മണിക്കൂറോളം നാദാര്‍ച്ചന നടത്തിയത്.
കലാമണ്ഡലം ഹൈദരാലിയുടെ സഹോദരപുത്രിയായ സൈബുന്നീസാഖാന്‍ നിരവധി വിദ്യാര്‍ത്ഥികളെയാണ് ഇതിനകം തന്നെ സംഗീതത്തിന്റെ ലോകത്തേയ്ക്ക് കൈപിടിച്ചുയര്‍ത്തിയത്.