കണ്ടശാങ്കടവ്: ചീഫ് മിനിസ്റ്റേഴ്‌സ് എവര്‍റോളിങ് ട്രോഫിക്ക് വേണ്ടി സെപ്റ്റംബര്‍ അഞ്ചിന് കണ്ടശാങ്കടവ് കനാലില്‍ നടക്കുന്ന ജലമേളയുടെ സംഘാടക സമിതി ഓഫിസ് പ്രവര്‍ത്തനം തുടങ്ങി.
ജെട്ടിയില്‍ നടന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ ഓഫിസ് ഉദ്ഘാടനം ചെയ്തു. സംഘാടക സമിതി ചെയര്‍പേഴ്‌സനും മണലൂര്‍ പഞ്ചായത്ത് പ്രസിഡന്റുമായ സീതാ ഗണേഷ് അധ്യക്ഷയായിരുന്നു.
കണ്‍വീനറും വാടാനപ്പള്ളി പഞ്ചായത്ത് പ്രസിഡന്റുമായ ഷിജിത്ത് വടക്കുംഞ്ചേരി, ട്രഷറര്‍ വി.ജി അശോകന്‍, തളിക്കുളം ബ്ലോക്ക് പ്രസിഡന്റ് ഡോ.സുഭാഷിണി, അരിമ്പൂര്‍ പഞ്ചായത്ത് പ്രസിഡന്റ് സുജാത മോഹന്‍ദാസ്, ജില്ലാ പഞ്ചായത്ത് വികസന സ്ഥിരം സമിതി ചെയര്‍പേഴ്‌സന്‍ ജെന്നി ജോസഫ്, മണലൂര്‍ പഞ്ചായത്ത് വൈ. പ്രസിഡന്റ് എം.കെ സദാനന്ദന്‍, ജന പ്രതിനിധികളായ സിജി മോഹന്‍ദാസ്, പി.ബി ഹരിദാസ്, സിന്ദു ശിവദാസ്, സബിത പ്രസാദ്, ജിഷ സുരേഷ്, റീന പ്രദീപ്, ഹേമലത പ്രതാഭന്‍, ലീന രാമനാഥന്‍, എം.ആര്‍ മോഹനന്‍, ജോയ്‌മോന്‍ പള്ളികുന്നത്ത് സംസാരിച്ചു.
10 ഓളം ചുണ്ടന്‍ വള്ളങ്ങള്‍ ഉള്‍പ്പെടെ നിരവധി വള്ളങ്ങള്‍ മേളയില്‍ പങ്കെടുക്കും. സാംസ്‌കാരിക പരിപാടികളും ജലോത്സവത്തിന്റെ ഭാഗമായി നടക്കും.