കാംപ്നൗ: പ്രതിരോധത്തിന് ശക്തികൂട്ടാന്‍ കൊളംബിയന്‍ താരത്തെ അവതരിപ്പിച്ചു ബാഴ്‌സലോണ. കൊളംബിയന്‍ താരമായ ജേസന്‍ മുറില്ലോയെ ഇന്നലെയാണ് ബാഴ്‌സ അവതരിപ്പിച്ചത്. പരുക്കേറ്റ് പുറത്തായ ഉംറ്റിറ്റിക്ക് പകരക്കാരനായും പിക്വെക്ക് കൂട്ടായിട്ടുമാണ് മുറില്ലോ ടീമില്‍ എത്തുന്നത്. 28 മില്യന്‍ യൂറോക്ക് ഈ സീസണ്‍ അവസാനം വരെയാണ് താരവുമായി ബാഴ്‌സ കരാറിലെത്തിയിട്ടുള്ളത്. സ്പാനിഷ് ലീഗില്‍ ഗ്രാനഡക്കും ഇറ്റാലിയന്‍ ലീഗില്‍ ഇന്റര്‍ മിലാനുമായി കളിച്ചിട്ടുണ്ട്. ഇറ്റലിയില്‍നിന്ന് സ്പാനിഷ് ക്ലബായ വലന്‍സിയയില്‍ എത്തുകയായിരുന്നു. അവിടെ നിന്നാണ് ബാഴ്‌സയിലേക്കുള്ള വരവ്. കൊളംബിയക്ക് വേണ്ടി 27 മത്സരങ്ങളില്‍ മുറില്ലോ ബൂട്ടുകെട്ടി.