പേരാമ്പ്ര: കഴിഞ്ഞ ദിവസം കായണ്ണയിലെ ചെറുക്കാട് പേരാമ്പ്ര എക്‌സൈസ് സംഘം നടത്തിയ റെയ്ഡില്‍ 90 ലിറ്റര്‍ വാഷ് പിടിച്ചെടുത്തു. പാടിക്കുന്നില്‍ നടത്തിയ റെയ്ഡില്‍ 4 ലിറ്റര്‍ ചാരായവുമായി പാടിക്കുന്നില്‍ വീട്ടില്‍ സന്തോഷ് (38) പിടിയിലായിട്ടുണ്ട്. പ്രിവന്റീവ് ഓഫിസര്‍ കെ.സി കരുണന്‍, സി.ടി ചന്ദ്രന്‍, പി.ജെ ബേബി, ചന്ദ്രന്‍ കുഴിച്ചാലില്‍, പി.പി രാമചന്ദ്രന്‍ റെയ്ഡിനു നേതൃത്വം നല്‍കി. പ്രത്യേക പരിശോധന അടുത്ത മാസം 10 വരെ തുടരുമെന്ന് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.കെ ദിനേശന്‍ അറിയിച്ചു.