നാദാപുരം: നെഹ്‌റു കോളജ് ഗ്രൂപ്പിന്റെ കീഴില്‍ പ്രവര്‍ത്തിക്കുന്ന ലക്കിടി ലോ കോളജ് വിദ്യാര്‍ഥിയായിരുന്ന ഷഹിന്‍ ഷൗക്കത്തലിയുടെ കുടുംബം ജിഷ്ണുവിന്റെ മാതാപിതാക്കളെ കണ്ടു.
ഇന്നലെ രാവിലെ മാതാപിതാക്കള്‍ക്കൊപ്പമാണ് ഷഹിന്‍ ജിഷ്ണുവിന്റെ വീട്ടിലെത്തിയത്. ലക്കിടി കോളജില്‍ വിദ്യാര്‍ഥി ആയിരിക്കേ കോളജ് അധികൃതരുടെ മര്‍ദനത്തിനിരയാവുകയും സംഭവം ഏറെ വിവാദമാവുകയും ചെയ്തിരുന്നു.
ഈ കേസിലാണ് കോളജ് ചെയര്‍മാന്‍ പി. കൃഷ്ണപ്രസാദിനെ പൊലിസ് അറസ്റ്റ് ചെയ്തത്.
ഒരു ദിവസം കൃഷ്ണപ്രസാദ് റിമാന്‍ഡിലാവുകയും ചെയ്തിരുന്നു. കോളജിലെ പീഡനത്തെ തുടര്‍ന്ന് ടി.സി വാങ്ങിയ ഷഹിന്‍ ഒറ്റപ്പാലം അല്‍ അമീന്‍ കോളജിലാണ് പഠനം തുടരുന്നത്. ജിഷ്ണുവിന്റെ മാതാവിനും സഹോദരി അവിഷ്ണക്കുമൊപ്പം ഇവര്‍ ഏറെ നേരം ചെലവഴിച്ചു