വെണ്ട വിളവെടുപ്പ് ആരംഭിച്ചു
പെരുമാട്ടി:  പെരുമാട്ടി അഗ്രോ സര്‍വീസ് സെന്ററില്‍ വെണ്ട വിളവെടുപ്പ് ആരംഭിച്ചു. പെരുമാട്ടി പഞ്ചായത്തിന്റെയും, സര്‍വീസ് സഹകരണ ബാങ്കിന്റെയും പെരുമാട്ടി പ്രസിഷന്‍ ഫാമിങ്ങിന്റെയും, സീഡ്‌സിന്റെയും സഹകരണത്തോടെ പ്രവര്‍ത്തിക്കുന്ന അഗ്രോ സര്‍വീസ് സെന്ററില്‍ കൃഷിചെയ്യുന്ന രണ്ടേക്കറോളം സ്ഥലത്തെ വെള്ളപാടങ്ങളിലാണ് വിളവെടുപ്പ് ആരംഭിച്ചത്. ജൈവരീതിയിലാണ്  ഉല്‍പാദിപ്പിച്ചത്. വി.എഫ്.പി.സി.കെയുടെ വിപണനകേന്ദ്രത്തിലാണ് വെണ്ട വില്‍പനയാകുന്നത്. എട്ടിലധികം പച്ചക്കറി തൈകളുടെ ഉല്‍പാദനവും വിതരണവും കമ്പാലത്തറയില്‍ പ്രവര്‍ത്തിക്കുന്ന അഗ്രോസര്‍വീസ് സെന്ററില്‍ നടത്തിവരുന്നുണ്ട്. കഴിഞ്ഞ ദിവസം കൃഷിമന്ത്രി സുനില്‍ കുമാര്‍ സെന്റര്‍ പരിശോധിച്ച് വിപൂലീകരണത്തിന് വേണ്ട നടപടി പരിശോധിക്കുമെന്ന്  ഭാരവാഹികളെ അറിയിച്ചിരുന്നു.