കോഴിക്കോട്: സുന്നി യുവജന സംഘം ജില്ലയില്‍ നടത്തുന്ന ഷാര്‍പ്പ് ഫോര്‍ട്ടീന്‍ ഫോര്‍ട്ടി കാംപയിനിന് ജനുവരി ഒന്നിനു വൈകിട്ട് ഏഴിന് ബേപ്പൂര്‍ മണ്ഡലം സംഗമത്തോടെ ഫറോക്ക് പെരുമുഖത്ത് തുടക്കമാകും. ജനുവരി 31 വരെ നീണ്ടുനില്‍ക്കുന്ന കാംപയിനിന്റെ ഉദ്ഘാടനസംഗമം സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. ജില്ലാ ജന. സെക്രട്ടറി നാസര്‍ ഫൈസി കൂടത്തായി അധ്യക്ഷനാകും. ബാവ ജീറാനി കളരാന്തിരി ക്ലാസെടുക്കും.
എസ്.കെ.ജെ.എം ജില്ലാ ജന. സെക്രട്ടറി പി. ഹസൈനാര്‍ ഫൈസി, എസ്.കെ.എസ്.എസ്.എഫ് ജില്ലാ പ്രസിഡന്റ് മുബശിര്‍ തങ്ങള്‍, അഷ്‌റഫ് ബാഖവി ചാലിയം, കെ.പി കോയ, അബ്ദുല്‍ ഖാദര്‍ കൊളത്തറ, ഹിഫ്‌ളുറഹ്മാന്‍ പരുത്തിപ്പാറ പ്രസംഗിക്കും.
വടകര മണ്ഡലം സംഗമം ജനുവരി 12ന് (വടകര), 19ന് കുറ്റ്യാടി (വേളം), 13ന് നാദാപുരം (നാദാപുരം), 24ന് പേരാമ്പ്ര ( പേരാമ്പ്ര), അഞ്ചിന് കൊയിലാണ്ടി (കൊയിലാണ്ടി ), 12ന് എലത്തൂര്‍ ( എലത്തൂര്‍), 25ന് ബാലുശ്ശേരി ( ഉള്ള്യേരി), 19ന് തിരുവമ്പാടി (മുക്കം), 26ന് കൊടുവള്ളി ( കരീറ്റിപ്പറമ്പ്), 16ന് കുന്ദമംഗലം ( പൂവാട്ട് പറമ്പ്), അഞ്ചിന് കോഴിക്കോട് സിറ്റി (ഇസ്‌ലാമിക് സെന്റര്‍ കോഴിക്കോട്) എന്നിവിടങ്ങളില്‍ നടക്കും. കര്‍മപദ്ധതി (ഷാര്‍പ്പ്), സംഘടന-സംഘാടനം, നവോത്ഥാനത്തിന്റെ പുനര്‍വായന എന്നീ വിഷയങ്ങള്‍ ക്യാംപുകളില്‍ അവതരിപ്പിക്കപ്പെടും.
ജില്ലാ പ്രവര്‍ത്തകസമിതി യോഗത്തില്‍ പ്രസിഡന്റ് സി.എച്ച് മഹ്മൂദ് സഅദി അധ്യക്ഷനായി. നാസര്‍ ഫൈസി കൂടത്തായി, കെ.പി കോയ, മലയമ്മ അബൂബക്കര്‍ ഫൈസി, സൈനുല്‍ ആബിദീന്‍ തങ്ങള്‍ നടക്കാവ്, അഷ്‌റഫ് ബാഖവി ചാലിയം, അബ്ദുല്ലത്തീഫ് കുട്ടമ്പൂര്‍, അഹമ്മദ് കുട്ടി ഹാജി കിനാലൂര്‍, അയ്യൂബ് കൂളിമാട്, പി.സി അഹമ്മദ് കുട്ടി ഹാജി ഫറോക്ക്, നടുക്കണ്ടി അബൂബക്കര്‍, അന്‍സാര്‍ കൊല്ലം, ഹിഫ്‌ളു റഹ്മാന്‍ പരുത്തിപ്പാറ, കെ. കോയ ഹാജി കോടാമ്പുഴ, കണ്ണോത്ത് സൂപ്പി ഹാജി, മൂസ ഹാജി കുട്ടോത്ത് പ്രസംഗിച്ചു.