മഞ്ചേരി: ആകാശവാണി എഫ്.എം റേഡിയോ നിലയത്തില്‍ സ്റ്റിരിയോ പ്രക്ഷേപണം നിര്‍ത്തലാക്കിയ നടപടിയില്‍ അഖില കേരള റേഡിയോ ലിസണേഴ്‌സ് അസോസിയേഷന്‍ ജില്ലാ കമ്മിറ്റി പ്രതിഷേധിച്ചു. തീരുമാനം തിരുത്താന്‍ തയാറായില്ലെങ്കില്‍ പ്രക്ഷോഭ പരിപാടികളുമായി മുന്നോട്ടുപോകുമെന്നും ആദ്യപടിയെന്നോണം പ്രസാര്‍ ഭാരതി അധികൃതര്‍, ജില്ലയിലെ എം.പിമാര്‍ എന്നിവര്‍ക്ക് നിവേദനം നല്‍കുമെന്നും ഭാരവാഹികള്‍ പറഞ്ഞു. യോഗത്തില്‍ ജില്ലാ പ്രസിഡന്റ് കെ.കെ കുഞ്ഞാണി അധ്യക്ഷനായി. മുജീബ് റഹ്മാന്‍ പുല്ലാര, രമേശ് കോല്‍ക്കാടന്‍ ഇരിവേറ്റി, ബാപ്പു നെല്ലിച്ചോട്, സജാദ് ചാത്തല്ലൂര്‍, അനീഷ് കൊല്ലംപടി, ഉമ്മര്‍ അയനിക്കാട്, അഷ്‌റഫ് മാണിതൊടിക, ശിഹാബ് കാടപ്പടി എന്നിവര്‍ പങ്കെടുത്തു.