ന്യൂഡല്‍ഹി: നോക്കിയയുടെ ആരാധകര്‍ക്ക് സന്തോഷ വാര്‍ത്ത നല്‍കി ചെറുഫോണായ 105 വിപണിയിലെത്തി. ഫീച്ചര്‍ ഫോണായ നോക്കിയ 130 ഉടന്‍ തന്നെ വിപണിയിലെത്തിക്കുമെന്നാണ് നോക്കിയ അറിയിച്ചത്. മൂന്ന് വ്യത്യസ്ത നിറങ്ങളില്‍ ഇറങ്ങുന്ന ഫോണിന് 1.8 ഇഞ്ച് കളര്‍ സ്‌ക്രീനും എല്‍.ഇ.ഡി ടോര്‍ച്ച് ലൈറ്റും ഉണ്ട്. നോക്കിയയുടെ ബേസ് മോഡല്‍ ഹാന്റ്‌സെറ്റാണിത്.

നീല,കറുപ്പ്,വെള്ള നിറങ്ങളിലാണ് 105 ലഭിക്കുക. കഴിഞ്ഞ ജൂലൈ 19 മുതല്‍ ഫോണ്‍ വിപണിയില്‍ ലഭ്യമാണ്. സിംഗിള്‍ സിം മോഡലിന് 999 രൂപയും ഡബിള്‍ സിമ്മിന് 1149 രൂപയുമാണ് വില.

ചുവപ്പ്,കറുപ്പ്,ചാര നിറങ്ങളിലായിട്ടാകും നോക്കിയ 130 പുറത്തിറങ്ങുക. ഇതിനും ഡബിള്‍ സിം,സിംഗിള്‍ സിം മോഡലുകളുണ്ടാകും. എന്നാല്‍ ഇതിന്റെ വില ഇതുവരെ കമ്പനി പുറത്തുവിട്ടിട്ടില്ല.