കൊടകര: സംസ്ഥാനത്തെ പരമ്പരാഗത കളിമണ്‍ പാത്ര നിര്‍മാണ തൊഴിലില്‍ ഏര്‍പ്പെട്ടിരിക്കുന്ന വിഭാഗങ്ങള്‍ അധിവസിക്കുന്ന കോളനികളില്‍ പിന്നാക്ക വിഭാഗ വികസന വകുപ്പ് നടപ്പാക്കുന്ന പദ്ധതികളുടെ സംസ്ഥാനതല ഉദ്ഘാടനം 31ന് വൈകീട്ട് കൊടകരയില്‍ നടക്കും.പിന്നോക്ക വിഭാഗ വികസന വകുപ്പിന്റെ നവീകരിച്ച വെബ്‌സൈറ്റിന്റെ ഉദ്ഘാടനവും വകുപ്പ് പ്രസിദ്ധീകരിക്കുന്ന കൈപ്പുസ്തകത്തിന്റെ പ്രകാശനവും ഉണ്ടാവും. കൊടകര കുംഭാര കോളനിയില്‍ 31ന് വൈകീട്ട് നാലരക്ക് ചേരുന്ന ചടങ്ങില്‍ പട്ടിക ജാതി പട്ടിക വര്‍ഗ പിന്നാക്ക ക്ഷേമ നിയമ പാര്‍ലമെന്ററികാര്യ വകുപ്പ് മന്ത്രി എ.കെ ബാലന്‍ പദ്ധതിയുടെയും സൈറ്റിന്റേയും ഉദ്ഘാടനം, പുസ്തകത്തിന്റെ പ്രകാശനം എന്നിവ നിര്‍വഹിക്കും. ചാലക്കുടി എം.എല്‍.എ ബി.ഡി ദേവസി അധ്യക്ഷനാകും. ടി.വി ഇന്നസെന്റ് എം.പി മുഖ്യാതിഥിയുമാവും. ചാലക്കുടി എം.എല്‍.എ ബി.ഡി ദേവസ്സി, കൊടകര പഞ്ചായത്ത് പ്രസിഡന്റ് പി.ആര്‍ പ്രസാദന്‍ വാര്‍ത്ത സമ്മേളനത്തില്‍ പങ്കെടുത്തു.