വാടാനപ്പള്ളി: ആരോഗ്യ വകുപ്പും, തദ്ദേശ സ്വയംഭരണ വകുപ്പും, വിദ്യാഭ്യാസ വകുപ്പും നേതൃത്വം നല്‍കുന്ന ദേശീയ വിര വിമുക്ത ദിനാചരണത്തിന്റെ പഞ്ചായത്ത് തല ഉദ്ഘാടനം തൃത്തല്ലൂര്‍ കമലാ നെഹ്‌റു മെമ്മോറിയല്‍ വി.എച്ച്.എസ് സ്‌കൂളില്‍ തൃത്തല്ലൂര്‍ സാമൂഹ്യ ആരോഗ്യ കേന്ദ്രത്തിലെ ഹെല്‍ത്ത് ഇന്‍സ്‌പെക്ടര്‍ കെ.ഗോപകുമാര്‍ നിര്‍വഹിച്ചു.
വിര നശീകരണത്തിനായുള്ള ആല്‍ബന്റസോള്‍ ഗുളികകള്‍ വിദ്യാര്‍ഥികള്‍ക്ക് വിതരണം ചെയ്തു. പ്രത്യേക അസംബ്ലിയില്‍ വിര വിമുക്ത ദിനാചരണ പ്രതിജ്ഞ ശ്രീലക്ഷ്മി വി.എസ് ചൊല്ലി കൊടുത്തു. നാഷണല്‍ സര്‍വീസ് സ്‌കിം യൂനിറ്റ് വളണ്ടിയര്‍മാര്‍ ക്ലാസുകളില്‍ വിര വിമുക്ത ദിനാചരണ ക്യാംപയിന്‍ നടത്തി. ജൂനിയര്‍ ഹെല്‍ത്ത് ഇന്‍സ്‌പെക്ടര്‍ എം.ബി ബിനോയ്, പ്രിന്‍സിപ്പല്‍ വി.എ ബാബു, സ്‌കൂള്‍ പ്രധാന അധ്യാപകന്‍ കെ.ജെ സുനില്‍, എ.എന്‍ സിദ്ധപ്രസാദ് സംസാരിച്ചു.