മാള: ഗ്രാമപഞ്ചായത്ത് ഭരണ സമിതിയുടെ ആഭിമുഖ്യത്തില്‍ അഡ്വ. വി.ആര്‍ സുനില്‍കുമാര്‍ എം.എല്‍.എക്ക് സ്വീകരണം നല്‍കി. കവി ഏങ്ങണ്ടിയൂര്‍ ചന്ദ്രശേഖരന്‍ സമ്മേളനം ഉദ്ഘാടനം ചെയ്തു. മാള ഗ്രാമപഞ്ചായത്ത് പ്രസിഡന്റ് പി.കെ സുകുമാരന്‍ അധ്യക്ഷനായി.
ജില്ലാ പഞ്ചായത്ത് വൈസ് പ്രസിഡന്റ് കെ.പി രാധാകൃഷ്ണന്‍ മുഖ്യാതിഥിയായി. ആശ്രയ പദ്ധതിയില്‍ നല്‍കിയ വീടുകള്‍ കൃത്യസമയത്ത് പൂര്‍ത്തീകരിച്ച വരെ  ഗ്രാമപഞ്ചായത്ത് വൈസ് പ്രസിഡന്റ് ബിന്ദു ബാബു ആദരിച്ചു.
തൊഴിലുറപ്പ് പദ്ധതിയില്‍ 100 തൊഴില്‍ ദിനങ്ങള്‍ പൂര്‍ത്തീകരിച്ചവരെ ബ്ലോക്ക്  പഞ്ചായത്ത് മെമ്പര്‍ ടി.പി രവീന്ദ്രന്‍ ആദരിച്ചു. വാര്‍ഡ് മെമ്പര്‍മാരായ എം.എസ് ബാബു, രാധാ ഭാസ്‌ക്കരന്‍, സോന.കെ.കരീം, പി.കെ മോഹനന്‍, പി.എസ് ശ്രീകാന്ത് സംസാരിച്ചു.