കോട്ടയം: 'മാഡം' സിനിമാനടി തന്നെയെന്നും പേര് നാളെ വെളിപ്പെടുത്തുമെന്നും പള്‍സര്‍ സുനി. വ്യാജ തിരിച്ചറിയല്‍ രേഖകള്‍ ഉപയോഗിച്ച് സിംകാര്‍ഡ് സംഘടിപ്പിച്ച കേസില്‍ കോട്ടയം ചീഫ് ജുഡിഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയശേഷം പുറത്തിറങ്ങവെയാണ് ഇക്കാര്യം വ്യക്തമാക്കിയത്.
'മാഡം' എന്നത് കെട്ടുകഥയല്ലെന്നും സിനിമാരംഗത്തുള്ള ഒരാളാണെന്നും നേരത്തേയും പള്‍സര്‍ സുനി പറഞ്ഞിരുന്നു. ഈ മാസം 16നുള്ളില്‍ ജയിലിലുള്ള വി.ഐ.പി കാര്യങ്ങള്‍ പറഞ്ഞില്ലെങ്കില്‍ താനെല്ലാം വെളിപ്പെടുത്തുമെന്നും സുനി മുന്നറിയിപ്പ് നല്‍കിയിരുന്നു. ഇതിനുപിന്നാലെയാണ് സിനിമാ നടിയാണ് 'മാഡ'മെന്ന് സുനി വ്യക്തമാക്കിയത്. സിംകാര്‍ഡ് കേസ് പരിഗണിക്കാനായി മറ്റൊരു ദിവസത്തേക്ക് മാറ്റി.