കൊല്ലം: വനിതാമതിലിനും അയ്യപ്പ ജ്യോതിക്കും ബദലായി യു.ഡി.എഫ് കൊല്ലത്ത് സംഘടിപ്പിച്ച വനിതാ സംഗമവും വനിതാ മതിലിന്റെ പ്രചരണാര്‍ഥം സി.പി.എം നടത്തിയ കലാജാഥയും ഒരേ സ്ഥലത്തെത്തിയത് സംഘര്‍ഷത്തിനിടയാക്കി.

വനിതാ സംഗമത്തിന് നേരെ കൈയേറ്റ ശ്രമമുണ്ടായതായി ഡി.സി.സി പ്രസിഡന്റ് ബിന്ദു കൃഷ്ണ ആരോപിച്ചു. രണ്ടു സംഘങ്ങളും ഒരേ സ്ഥലത്ത് വന്നതാണ് പ്രശ്‌നങ്ങള്‍ക്ക് കാരണമായത്. പരസ്പരം പോര്‍വിളികളുമായി ഇരുവിഭാഗവും രംഗത്തെത്തിയതോടെ ചെറിയ തോതില്‍ ഉന്തും തള്ളുമുണ്ടായി. ഇതിനിടെ സ്ഥലത്തുണ്ടായിരുന്ന പൊലിസ് ഇരു വിഭാഗത്തിനും മധ്യേ നിലയുറപ്പിച്ചു. തുടര്‍ന്ന് മുതിര്‍ന്ന നേതാക്കള്‍ ഇടപെട്ട് പ്രവര്‍ത്തകരെ ശാന്തരാക്കി.

തുടര്‍ന്ന് കലാജാഥയുടെ ഭാഗമായുള്ള പ്രകടനങ്ങള്‍ അരേങ്ങറുമ്പോള്‍ യു.ഡി.എഫ് വനിതാ പ്രവര്‍ത്തകര്‍ മുദ്രാവാക്യം മുഴക്കി പ്രതിഷേധിച്ചു.