വാഷിങ്ടണ്‍: ഇന്ത്യന്‍ സൈന്യത്തെ ആധുനികവത്കരിക്കാന്‍ തയാറാണെന്ന് യു.എസിലെ മുതിര്‍ന്ന കമാന്‍ഡര്‍ അഡ്മിറല്‍ ഹാരി ഹാരിസ് പറഞ്ഞു. നിലവില്‍ 15 ദശലക്ഷം ഡോളറിന്റെ ആയുധകച്ചവടമാണ് ഇന്ത്യയും യു.എസും തമ്മില്‍ നടക്കുന്നത്. ഫൈറ്റര്‍ ജെറ്റുകളും ആളില്ലാത്തവിമാനവും വാഹനങ്ങളും വാങ്ങുന്നതോടെ ഇത് ഇനിയും വര്‍ധിക്കും. ഇന്ത്യ യു.എസിന്റെ പ്രധാന പ്രതിരോധ പങ്കാളിയാണെന്നും സഖ്യകക്ഷികളുടെ സ്ഥാനത്താണ് യു.എസ് ഇന്ത്യയെ പ്രതിഷ്ഠിച്ചിരിക്കുന്നതെന്നും അദ്ദേഹം പറഞ്ഞു.