മക്ക: പുണ്യ ഭൂമിയിലേക്ക് ലോകത്തിന്റെ വിവിധ ഭാഗങ്ങളില്‍ നിന്നുള്ള ഹാജിമാരുടെ ഒഴുക്ക് തുടരുന്നു. ഇതുവരെ ഏഴു ലക്ഷത്തോളം ഹാജിമാര്‍ പുണ്യഭൂമിയില്‍ എത്തിചേര്‍ന്നതായി സഊദി പാസ്സ്‌പോര്‍ട്ട് വിഭാഗം അറിയിച്ചു.

663,860 തീര്‍ഥാടകര്‍ വിമാനമാര്‍ഗ്ഗം വഴിയും 10,796 തീര്‍ഥാടകര്‍ റോഡ് മാര്‍ഗ്ഗം വഴിയും 487 തീര്‍ഥാടകര്‍ കപ്പല്‍ മാര്‍ഗ്ഗവുമാണ് വിശുദ്ധ ഭൂമിയില്‍ എത്തിച്ചേര്‍ന്നത്. കഴിഞ്ഞ വര്‍ഷം ഇതേ സമയതേക്കാള്‍ 17 ശതമാനം ഹാജിമാരുടെ വര്‍ധനവാണ് ഇതുവരെ രേഖപ്പെടുത്തിയത്.

ഇന്ത്യയില്‍നിന്ന് ഇതുവരെയായി മുക്കാല്‍ ലക്ഷത്തിലധികം ഹാജിമാര്‍ പുണ്യനഗരികളില്‍ എത്തിച്ചേര്‍ന്നിട്ടുണ്ട്. ഇതില്‍ രണ്ടായിരത്തോളം പേര്‍ മലയാളി തീര്‍ഥാടകരാണ്. നേരത്തെ മദീനയില്‍ എത്തിയ ഇന്ത്യന്‍ ഹാജിമാരില്‍ ബഹു ഭൂരിഭാഗവും മക്കയില്‍ എത്തി ചേര്‍ന്നിട്ടുണ്ട്. ബാക്കിയുള്ളവര്‍ വരൂ ദിവസങ്ങളില്‍ മക്കയില്‍ എത്തിച്ചേരും.