ചേളാരി: സമസ്ത കേരള സുന്നി ബാലവേദി സംസ്ഥാന വ്യാപകമായി യൂനിറ്റ് തലങ്ങളില്‍ സംഘടിപ്പിക്കുന്ന 'നാമൊന്ന് നമുക്കൊരു നാട്' സ്വാതന്ത്ര്യ പുലരി സ്‌നേഹ സംഗമം ഇന്ന് രാവിലെ 7ന് നടക്കും.
പതാക ഉയര്‍ത്തല്‍, പ്രതിജ്ഞ, പ്രഭാഷണം, മധുര വിതരണം, ക്വിസ് മത്സരം, പ്രബന്ധം, പ്രസംഗ മത്സരം എന്നിവ നടക്കും. പരിപാടികളില്‍ മത സാമൂഹിക രാഷ്ട്രീയ രംഗത്തെ പ്രമുഖര്‍ സംബന്ധിക്കും.
'സ്വാതന്ത്ര്യ പുലരി' വിജയമാക്കണമെന്ന് സുന്നി ബാലവേദി സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍, ജന. സെക്രട്ടറി അഫ്‌സല്‍ രാമന്തളി അഭ്യര്‍ഥിച്ചു.