മൊഹാലി: രഞ്ജി ട്രോഫി ക്രിക്കറ്റ് ടൂര്‍ണ്ണമെന്റില്‍ ഇന്ന് കേരളം പഞ്ചാബിനെ നേരിടും. പഞ്ചാബിലെ മൊഹാലി ഐ.എസ് ബിന്ദ്ര ക്രിക്കറ്റ് സ്റ്റേഡിയത്തില്‍ രാവിലെ 9.30ന് മത്സരം ആരംഭിക്കും. സീസണിലെ കേരളത്തിന്റെ ഏഴാമത്തെ മത്സരമാണിത്. ആറ് മത്സരങ്ങളില്‍ നിന്നായി 20 പോയിന്റോടെ ഗ്രൂപ്പില്‍ അഞ്ചാം സ്ഥാനത്താണ് കേരളം. 11 പോയിന്റോടെ ഗ്രൂപ്പില്‍ 13 ാം സ്ഥാനത്താണ് പഞ്ചാബ്.

ടീം: സചിന്‍ ബേബി (ക്യാപ്റ്റന്‍), ജലജ് സക്‌സേന, അരുണ്‍ കാര്‍ത്തിക്, മുഹമ്മദ് അസറുദ്ദീന്‍, സഞ്ജുവിശ്വനാഥ്, റോഹന്‍ പ്രേം, വി.എ ജഗദീഷ്, അക്ഷയ് ചന്ദ്രന്‍, വിഷ്ണുവിനോദ്, സിജോമോന്‍ ജോസഫ്, സന്ദീപ് എസ്. വാര്യര്‍, എം.ഡി നിധീഷ്, ബേസില്‍ തമ്പി, പി. രാഹുല്‍, വിനൂപ് എസ്. മനോഹരന്‍, അഭിഷേക് മോഹന്‍.