വെങ്ങപ്പള്ളി: സുന്നി മഹല്ല് ഫെഡറേഷന്‍ സംസ്ഥാന കമ്മിറ്റിയുടെ കീഴില്‍ മഹല്ല്തലത്തില്‍ നടത്തിക്കൊണ്ടിരിക്കുന്ന ഇസ്്‌ലാമിക് പാരന്റിങ് കോഴ്‌സിന് വയനാട്ടില്‍ തുടക്കമായി. വെങ്ങപ്പള്ളി റെയിന്‍ബോ ഓഡിറ്റോറിയത്തില്‍ നടന്ന പരിപാടി എസ്.എം.എഫ് ജില്ലാ സെക്രട്ടറി പി.സി ഇബ്രാഹിം ഹാജി ഉദ്ഘാടനം ചെയ്തു. മഹല്ല് പ്രസിഡന്റ് തന്നാണി അബൂബക്കര്‍ ഹാജി അധ്യക്ഷനായി. സന്താന പരിപാലനത്തെ കുറിച്ചുള്ള പ്രായോഗിക പാഠങ്ങള്‍ പകര്‍ന്നു നല്‍കുക, സന്താന പരിപാലനത്തെ കുറിച്ച് അവബോധമുള്ള രക്ഷിതാക്കളെ സൃഷ്ടിക്കുക, കുട്ടികളുടെ മാനസികവും ശാരീരികവുമായ വളര്‍ച്ച, ആരോഗ്യം എന്നിവ ഉറപ്പ് വരുത്തുക, സംസ്‌കാര സമ്പന്നറും ക്രിയാത്മകരുമായ ഭാവിതലമുറയെ വാര്‍ത്തെടുക്കുക തുടങ്ങിയ ലക്ഷ്യത്തില്‍ നടക്കുന്ന ഇസ്്‌ലാമിക് പാരന്റിങ് കോഴ്‌സിന്റെ ഓറിയന്റേഷന്‍ ക്ലാസിന് സംസ്ഥാന ട്രെയിനര്‍ ഹക്കീം മാസ്റ്റര്‍ തൃക്കരിപ്പൂര്‍ നേതൃത്വം നല്‍കി. കെ.എ നാസര്‍ മൗലവി പദ്ധതി വിശദീകരിച്ചു. സാജിദ് ബാഖവി, ഉസ്മാന്‍ പഞ്ചാര, ജാഫര്‍ ഹൈതമി, നാസര്‍ പച്ചൂരാന്‍, മുഹമ്മദ് പനന്തറ, മുഹമ്മദ് ഹാജി, ഇബ്രാഹീം ഫൈസി, കെ.എ റഹ്മാന്‍ സംസാരിച്ചു.