മൂപ്പൈനാട്: ഇന്ദിരാജി ജന്മശതാബ്ദിയോടനുബന്ധിച്ച് മൂപ്പൈനാട് മണ്ഡലം കോണ്‍ഗ്രസ് ചെല്ലങ്കോട് ബൂത്ത്തല (171) കുടുംബസംഗമം നടത്തി.
 കല്‍പ്പറ്റ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് പി.പി ആലി ഉദ്ഘാടനം ചെയ്തു.
മുന്‍ ഡി.സി.സി പ്രസിഡന്റ് കെ.പി തോമസ് മുഖ്യപ്രഭാഷണം നടത്തി. ഡി.സി.സി ജനറല്‍ സെക്രട്ടറി പി.കെ അനില്‍ കുമാര്‍ മുതിര്‍ന്ന അംഗങ്ങളായ കൃഷ്ന്‍ ചെട്ട്യാര്‍ വെള്ളേരി,  ലക്ഷ്മിയമ്മ നീലിമല എന്നിവരെ ആദരിച്ചു. മണ്ഡലം കോണ്‍ഗ്രസ് കമ്മിറ്റി പ്രസിഡന്റ് ആര്‍. ഉണ്ണികൃഷ്ണന്‍, പി.വി. വേണുഗോപാല്‍, ഉണിക്കാട് ബാലന്‍, വി.എന്‍. ശശീന്ദ്രന്‍, സാജന്‍ മാത്യു എന്നിവര്‍ പ്രസംഗിച്ചു.
വടുവഞ്ചാല്‍: ഇന്ദിരാജി ജന്മശതാബ്ദിയോടനുബന്ധിച്ച് മൂപ്പൈനാട് മണ്ഡലം കോണ്‍ഗ്രസ് തിനപുരം 161-ാം നമ്പര്‍ കമ്മിറ്റിയുടെ ആഭിമുഖ്യത്തില്‍ കുടുംബസംഗമവും മുന്‍കാല നേതാക്കളായ ബാലന്‍, ശ്രീധരന്‍, മുഹമ്മദ്, മേരി, കമല, രാജന്‍ എന്നിവരെ ആദരിക്കുകയും ചെയ്തു. കെ.കെ.എന്‍.ടി.സി. ജില്ലാ പ്രസിഡന്റ് എന്‍ വേണുഗോപാല്‍ ഉദ്ഘാടനം ചെയ്തു. മണ്ഡലം കോണ്‍ഗ്രസ് കമ്മിറ്റി പ്രസിഡന്റ് ആര്‍ ഉണ്ണികൃഷ്ണന്‍ മുഖ്യപ്രഭാഷണം നടത്തി.
പി ഹരിഹരന്‍, പൗലോസ് പുന്നമറ്റത്തില്‍, ആസിഫ് കെ. മുഹമ്മദ്, ഷിഹാബ്, രാധാകൃഷ്ണന്‍, രാജീവന്‍ സംസാരിച്ചു.

റിപ്പണ്‍: മൂപ്പൈനാട് മണ്ഡലം റിപ്പണ്‍ 166, 167-ാം ബൂത്ത് കുടുംബസംഗമം കെ.പി.സി.സി. എക്‌സി. മെമ്പര്‍ എന്‍.ഡി. അപ്പച്ചന്‍ ഉദ്ഘാടനം ചെയ്തു.
കെ.പി.സി.സി സെക്രട്ടറി കെ.കെ. അബ്രഹാം മുഖ്യപ്രഭാഷണം നടത്തി. മുന്‍ ഡി.സി.സി പ്രസിഡന്റ് കെ.പി. തോമസ് മുതിര്‍ന്ന അംഗങ്ങളായ ബാലന്‍ നായര്‍, കെ.സി. ചാക്കോ, സുന്ദരന്‍, വര്‍ക്കി കൂത്തൂര് എന്നിവരെ ആദരിച്ചു. യോഗത്തില്‍ ജോസഫ് കുറ്റിയാത്ത് അധ്യക്ഷനായി. മണ്ഡലം കോണ്‍ഗ്രസസ് കമ്മിറ്റി പ്രസിഡന്റ് ആര്‍. ഉണ്ണികൃഷ്ണന്‍, ബേബി വഞ്ചാത്താനത്ത്, പത്മനാഭന്‍, കുഞ്ഞാലന്‍, വി.എം ജോയി, ജോസ് വഞ്ചിത്താനത്ത്, ബിനോയി കുറ്റിക്കാട്ടൂര്‍, ബിജു റിപ്പണ്‍ സംസാരിച്ചു.