മാള: എസ്.വൈ.എസ് മാള മേഖലയുടേയും റെയ്ഞ്ച് ഭാരവാഹികളുടെയും സംയുക്ത ശാക്തീകരണ കണ്‍വന്‍ഷന്‍ മാള പള്ളിപ്പുറം മദ്‌റസയില്‍ റെയ്ഞ്ച് പ്രസിഡന്റ് ജസീര്‍ ദാരിമി ഉദ്ഘാടനം ചെയ്തു. എസ്.വൈ.എസ് മാള മേഖല പ്രസിഡന്റ് അബ്ദുല്‍ കരീം അധ്യക്ഷനായി. റെയ്ഞ്ച് സെക്രട്ടറി കോയ ബാഖവി സ്വാഗതം പറഞ്ഞു. മാള മഹല്ല് പ്രസിഡന്റ് എ.എ അഷറഫ്, ഹൈദര്‍ മാരേക്കാട്, ബഷീര്‍, അന്‍വര്‍ മാമ്പ്ര, ഫൈസല്‍ അന്നമനട, ഹനീഫ നാലകത്ത് സംസാരിച്ചു. സുപ്രഭാതം ദിനപത്രം റൈഞ്ച് തല വരിചേരല്‍ ഉദ്ഘാടനം കാരൂര്‍ ദാറുസ്സലാം മദ്‌റസയിലേക്കുള്ള പത്രത്തിന്റെ വാര്‍ഷിക വരിസംഖ്യ സ്വാലിഹ് മാരേക്കാടിന് കൈമാറി സുപ്രഭാതം ലേഖകന്‍ നജീബ് അന്‍സാരി നിര്‍വ്വഹിച്ചു.