ശിവഗിരി: തീര്‍ഥാടനദിവസങ്ങളില്‍ മഹാസമാധയിലെ ഗുരുദേവപ്രതിമയില്‍ ചാര്‍ത്താനുള്ള ഉടയാട ശ്രീലങ്കയില്‍ നിന്നെത്തി. ശിവഗിരി തീര്‍ഥാടന സെക്രട്ടറി വിശാലാനന്ദസ്വാമികള്‍ ഉടയാട ഏറ്റുവാങ്ങി.
ശ്രീലങ്കയില്‍ പ്രവര്‍ത്തിക്കുന്ന ശ്രീനാരായണഗുരുദേവ സൊസൈറ്റിയാണ് ഉടയാട എത്തിച്ചത്. കഴിഞ്ഞ പത്ത് വര്‍ഷമായി നടക്കുന്ന ചടങ്ങാണിത്. സൊസൈറ്റി പ്രസിഡന്റ് ടി. പ്രകാശ്, ദേശബന്ധു ജയകുമാര്‍ എന്നിവരടങ്ങിയ സംഘമാണ് ഉടയാട ശിവഗിരിയിലെത്തിച്ചത്. ഏറ്റുവാങ്ങല്‍ച്ചടങ്ങില്‍ ശ്രീനാരായണധര്‍മ സംഘം ജനറല്‍ സെക്രട്ടറി സ്വാമി സാന്ദ്രാനന്ദ, വി. വിശ്വലാല്‍, ഡോ. സുരേഷ് കുമാര്‍ മധുസൂദനന്‍, കെ. ചന്ദ്രബോസ്, തീര്‍ഥാടനമീഡിയാകമ്മിറ്റി ചീഫ് കോഡിനേറ്റര്‍ വണ്ടന്നൂര്‍ സന്തോഷ്, ചെയര്‍മാന്‍ ഡോ.എം ജയരാജു എന്നിവരും ചടങ്ങില്‍ പങ്കെടുത്തു.