കണിയാമ്പറ്റ: സ്വാതന്ത്ര്യ ദിനാഘോഷത്തിന്റെ ഭാഗമായി സ്വാതന്ത്ര്യ സമര ചരിത്ര സംഭവങ്ങളെ കോര്‍ത്തിണക്കി കണിയാമ്പറ്റ ഗവ. ഹൈസ്‌കൂളില്‍ ദൃശ്യാവിഷ്‌ക്കാര മത്സരം നടത്തി.
ചരിത്ര സംഭവങ്ങളുടെ തുടര്‍ച്ച നിലനിര്‍ത്തിയായിരുന്നു ഓരോ ക്ലാസിനും വിഷയം നല്‍കിയത്. ഒന്നാം സ്വാതന്ത്ര്യ സമരവും ബംഗാള്‍ വിഭജനവും നിസഹകരണ പ്രസ്ഥാനവും ജാലിയന്‍ വാലാബാഗും ഉപ്പു സത്യാഗ്രഹവും ക്വിറ്റ് ഇന്ത്യാ സമരവും വിദ്യാര്‍ഥികള്‍ സ്റ്റേജിലെത്തിച്ചു.
ദൃശ്യാവിഷ്‌കാര മത്സരങ്ങളുടെ ഉദ്ഘാടനം പ്രധാനാധ്യാപിക എം.കെ ഉഷാ ദേവി നിര്‍വഹിച്ചു. സി.എം ഷാജു അധ്യക്ഷനായി. എം വസന്ത,പി. ഉണ്ണികൃഷ്ണന്‍, എം.കെ ഡോളി, അജയ് വിജയന്‍ നേതൃത്വം നല്‍കി.