വടക്കാഞ്ചേരി: രാജ്യ പുരോഗതിക്ക് വേണ്ടി യുവാക്കള്‍ കാലത്തിന് അനുസൃതമായി ചിന്തിക്കണമെന്ന് അഡ്വ.വി.ടി ബല്‍റാം എം.എല്‍.എ പറഞ്ഞു.
വടക്കാഞ്ചേരി നിയോജക മണ്ഡലത്തില്‍ നിന്നും എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയവരെ സ്വരാജ് അവാര്‍ഡ് നല്‍കി ആദരിക്കുന്ന ' ആദരണീയം 2018 ' ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അനില്‍ അക്കര എം.എല്‍.എ അധ്യക്ഷനായി.
പുറനാട്ടുകര ശ്രീരാമകൃഷ്ണാശ്രമം മഠാധിപതി സ്വാമി സദ്ഭവാനന്ദ മഹാരാജ് അനുഗ്രഹ പ്രഭാഷണം നടത്തി. ഡോ.പി. സരിന്‍ ഐ.എ.എസ്,ഡോ.സൗമ്യ സരിന്‍ ,പുഴക്കല്‍ ബ്ലോക്ക് പഞ്ചായത്ത് പ്രസിഡന്റ് ബിജു വര്‍ഗീസ്, അടാട്ട് പഞ്ചായത്ത് പ്രസിഡന്റ് ടി.ആര്‍ ജയചന്ദ്രന്‍, കോലഴി പഞ്ചായത്ത് പ്രസിഡന്റ് എ.ജെ ഷാജു, രാജേന്ദ്രന്‍ അരങ്ങത്ത്, പി.എ ശേഖരന്‍, അജിത കൃഷ്ണന്‍, സി.വി കുര്യാക്കോസ്, എന്‍.ആര്‍ രാധാകൃഷ്ണന്‍ ,ടി.വിസണ്ണി സംസാരിച്ചു.