കൊടുങ്ങല്ലൂര്‍: ചന്തപ്പുര കോട്ടപ്പുറം ബൈപ്പാസില്‍ രണ്ട് പേരുടെ മരണത്തിനിടയാക്കിയ വാഹനാപകടത്തില്‍ പെട്ട കാറിന്റെ ഡ്രൈവറെ കൊടുങ്ങല്ലൂര്‍ പൊലിസ് അറസ്റ്റ് ചെയ്തു . കോട്ടയം സ്വദേശി പങ്ങാളിപറമ്പില്‍ ബിബി (24)നെയാണ് കൊടുങ്ങല്ലൂര്‍ സര്‍ക്കിള്‍ ഇന്‍സ്‌പെക്ടര്‍ പി.സി ബിജുകുമാര്‍ അറസ്റ്റ് ചെയ്തത്. നരഹത്യയ്ക്കാണ് ഇയാള്‍ക്കെതിരെ കേസെടുത്തിട്ടുള്ളത്. ഇക്കഴിഞ്ഞ ആറാം തിയ്യതി ബൈപ്പാസില്‍ ടി.കെ.എസ് പുരത്തിന് സമീപം അമിതവേഗതയില്‍ വന്ന കാര്‍ നിയന്ത്രണം വിട്ട് റോഡരികില്‍ നിറുത്തിയ ബൈക്കിലിടിച്ച് രണ്ടു പേര്‍ മരണമടയുകയായിരുന്നു. അപകടത്തില്‍ മേത്തല സ്വദേശി നൈശ്ശേരി സുരേഷ് കുമാര്‍ (41), കൊല്ലം അഞ്ജന ഭവനത്തില്‍ അജയ് ഘോഷ് (31) ആണ് മരിച്ചത്.