മാഹി: യാത്രക്കാരുമായി പോവുകയായിരുന്ന സ്വകാര്യ ബസ് തടഞ്ഞ് ഗ്ലാസ് അടിച്ചു തകര്‍ത്തു.
പുന്നോല്‍ പെട്ടിപ്പാലത്തിന് സമീപം ഇന്നലെ രാവിലെ ഏഴോടെയാണ് സംഭവം. കഴിഞ്ഞ മാസം ദേശീയപാത പരിമഠത്തു വച്ച് ഇതേ ബസ് ഇടിച്ച് ഒരാള്‍ മരിക്കുകയും മറ്റൊരാള്‍ക്ക് സാരമായി പരുക്കേല്‍ക്കുകയും ചെയ്തിരുന്നു. സംഭവത്തില്‍ പൊലിസിന്റെ ഭാഗത്തു നിന്നും തികഞ്ഞ അവഗണനയായിരുന്നതായി നേരത്തെ ആരോപണമുണ്ടായിരുന്നു. ഇതിന്റെ പ്രകോപനമാണ് ബസിന്റെ ഗ്ലാസ് അടിച്ചു തകര്‍ക്കാനിടയായതെന്നും സൂചനയുണ്ട്. പെട്ടിപ്പാലത്തിനു സമീപം ബസ് എത്തിയതോടെ ഒരു സംഘം തടഞ്ഞുനിര്‍ത്തുകയും ഇരുമ്പ് കമ്പി ഉപയോഗിച്ച് ഗ്ലാസുകള്‍ അടിച്ച് തകര്‍ക്കുകയുമായിരുന്നു. ചില യാത്രക്കാര്‍ക്ക് ഗ്ലാസ് ചീളുകള്‍ കൊണ്ട് നിസാരമായി പരുക്കേറ്റു. ന്യൂ മാഹി പൊലിസ് ബസ് സ്റ്റേഷനിലേക്ക് മാറ്റി. പൊലിസ് അന്വേഷണം ആരംഭിച്ചു.