പുളിക്കല്‍: ബസില്‍ നിന്നു വീണു കിട്ടിയ സ്വര്‍ണാഭരണം ഉടമസ്ഥന് തിരിച്ചുനല്‍കി ബസ് ജീവനക്കാരുടെ മാതൃക. കൊണ്ടോട്ടി-ഫറോക്ക് റൂട്ടിലോടുന്ന തയ്യില്‍ ബസില്‍നിന്നും വീണുകിട്ടിയ സ്വര്‍ണാഭരണമാണ് ഉടമയെ കണ്ടെത്തി തിരിച്ചുനല്‍കിയത്. തയ്യില്‍ ബസ് ജീവനക്കാരന്‍ വൈദ്യരങ്ങാടി സ്വദേശി സാദിഖിനാണ് ദിവസങ്ങള്‍ക്ക് മുന്‍പ് ബസില്‍നിന്നും സ്വര്‍ണ്ണാഭരണം കിട്ടിയത്. സ്വര്‍ണം കിട്ടിയ വിവരം സോഷ്യല്‍ മീഡിയ വഴി അറിയിക്കുകയായിരുന്നു. ഇതോടെയാണ് സ്വര്‍ണാഭരണം നഷ്ടപ്പെട്ട പേങ്ങാട് സ്വദേശി ബസ് ജീവനക്കാരെ സമീപിച്ച് ആഭരണം കൈപ്പറ്റിയത്. ബസ് ജീവനക്കാരായ സ്വാദിഖ് വൈദ്യരങ്ങാടി, ഷമീര്‍ സിയാംകണ്ടം, ഷാജി എന്നിവരെ അഭിനന്ദിച്ചു.