താമരശേരി: ഉദ്ഘാടനത്തിനൊരുങ്ങി താമരശേരി ബസ്‌ബേ. പബ്ലിക്ക് ലൈബ്രറിക്ക് സമീപമാണ് പഞ്ചായത്തിന്റെ കീഴില്‍ നിര്‍മിച്ച ബസ്‌ബേയുടെ നിര്‍മാണമാണ് പൂര്‍ത്തിയായത്. ഇതോടെ ടൗണില്‍ രൂക്ഷമായി അനുഭവപ്പെടുന്ന ഗതാഗതക്കുക്കിന് പരിഹാരമാകുമെന്നാണ് കരുതുന്നത്. കൊയിലാണ്ടി, വയനാട് ഭാഗത്തേക്ക് പോകുന്ന യാത്രക്കാര്‍ക്ക് സൗകര്യപ്രദമായ വിധത്തിലാണ് ബസ്‌ബേ നിര്‍മിച്ചത്. 12 ലക്ഷം രൂപ വാര്‍ഷിക പദ്ധതിയില്‍ ഉള്‍പ്പെടുത്തിയാണ് ബസ്‌ബേയുടെ പണി പൂര്‍ത്തീകരിച്ചത്.