തേഞ്ഞിപ്പലം: കാലിക്കറ്റ് സര്‍വകലാശാല ജനുവരി ഒന്നിന് നടത്താനിരുന്ന എല്ലാ പരീക്ഷകളും മാറ്റിവച്ചത് വിവാദത്തില്‍. വനിതാ മതിലിന് വേണ്ടിയാണ് പരീക്ഷ മാറ്റിവച്ചതെന്നാണ് ആക്ഷേപം.
വനിതാ മതില്‍ നടക്കുന്നതിനാല്‍ പരീക്ഷ മാറ്റിവയ്ക്കണമെന്ന് ഇടത് അനുകൂല സര്‍വകലാശാല യൂനിയന്‍ പരീക്ഷാ കണ്‍ട്രോളര്‍ക്ക് കത്തു നല്‍കിയിട്ടുണ്ടെന്നാണ് വിവരം.
പരീക്ഷ സ്ഥിരം സമിതിയുടെ തീരുമാനം വി.സി അംഗീകരിക്കുകയായിരുന്നു. വനിതാ മതിലുമായി ബന്ധമുണ്ടോയെന്ന കാര്യം സ്റ്റാന്‍ഡിങ് കമ്മിറ്റിയാണ് പറയേണ്ടതെന്നാണ് പരീക്ഷ ഭവന്റെ ഔദ്യോഗിക വിശദീകരണം.