കണ്ണൂര്‍: ദേശീയ വിരവിമുക്ത ദിനാചരണത്തിന്റെ ജില്ലാതല ഉദ്ഘാടനം കണ്ണൂര്‍  മുനിസിപ്പല്‍ എച്ച്.എസില്‍ ജില്ലാപഞ്ചായത്ത് പ്രസിഡന്റ് കെ.വി സുമേഷ് നിര്‍വഹിച്ചു.  
എ.ഡി.എം ഇ മുഹമ്മദ് യൂസഫ് മുഖ്യാതിഥിയായിരുന്നു. സ്റ്റേറ്റ് എപ്പിഡെമിയോളജിസ്റ്റും സംസ്ഥാനതല നിരീക്ഷകനുമായ ഡോ. എ സുകുമാരന്‍ ദിനാചരണ സന്ദേശം നല്‍കി. ആരോഗ്യ വിദ്യാഭ്യാസ സ്ഥിരംസമിതി ചെയര്‍മാന്‍ കെ.പി ജയബാലന്‍, കോര്‍പറേഷന്‍ കൗണ്‍സലര്‍ ലിഷ ദീപക്, ദേശീയ ആരോഗ്യദൗത്യം ജില്ലാ പ്രോഗ്രാം മാനേജര്‍ ഡോ. കെ.വി ലതീഷ്, ജില്ലാ ഇന്‍ഫര്‍മേഷന്‍ ഓഫിസര്‍ ഇ.കെ പത്മനാഭന്‍, ജില്ലാ സാമൂഹ്യനീതി ഓഫിസര്‍ എല്‍ ഷീബ, ജി.വി.എച്ച്.എസ്.എസ് (സ്‌പോര്‍ട്‌സ്) പ്രിന്‍സിപ്പല്‍ ടി വിമ, പ്രധാനധ്യാപകന്‍ സി.പി പ്രസൂനന്‍, പഞ്ചായത്ത് ഡെപ്യൂട്ടി ഡയറക്ടര്‍ ഓഫിസ് ജൂനിയര്‍ സൂപ്രണ്ട് കെ ഷാജി, ജില്ലാ ആര്‍.സി.എച്ച് ഓഫിസര്‍ ഡോ. പി.എം ജ്യോതി, പി സുനില്‍ദത്തന്‍ സംസാരിച്ചു.
കണ്ണൂര്‍: ദേശീയ വിരവിമുക്ത ദിനത്തിന്റെ കോര്‍പറേഷന്‍തല ഉദ്ഘാടനം സെന്റ് തെരേസാസ് ആംഗ്ലോ ഇന്ത്യന്‍ സ്‌കൂളില്‍ രതീഷ് ആന്റണി ബെന്‍സ് ഉദ്ഘാടനം ചെയ്തു. ഡോ ആഷിഷ് ബെന്‍സ് അധ്യക്ഷനായി. സി ലിസ, ദിനേശ്, ശോഭ, മിസ് ഡിബോറ സംസാരിച്ചു.