റിയാദ്: സഊദി ഭരണാധികാരിയും തിരുഗേഹങ്ങളുടെ സേവകന്‍ കൂടിയായ സല്‍മാന്‍ രാജാവും കിരീടാവകാശിയും പ്രതിരോധ മന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരനും ഇന്ത്യന്‍ പൗരന്മാര്‍ക്ക് സ്വാതന്ത്ര്യ ദിനാശംസകള്‍ നേര്‍ന്നു.

ഇരുവരും  മുഴുവന്‍ ഇന്ത്യക്കാര്‍ക്കും സ്വാതന്ത്ര്യ ദിനാശംസകള്‍ നേര്‍ന്നു കൊണ്ട് രാഷ്ട്രപതി രാംനാഥ് കോവിന്ദിന് സന്ദേശം അയച്ചു. സ്വന്തം പേരിലും സഊദിയിലെ ജനങ്ങളുടെയും സര്‍ക്കാറിന്റെയും പേരിലും രാഷ്ട്രപതിക്ക് ആയുരാരോഗ്യങ്ങള്‍ നേര്‍ന്ന രാജാവ് ഇന്ത്യക്കാര്‍ക്ക് കൂടുതല്‍ അഭിവൃദ്ധിയും ഐശ്വര്യവും കൈവരിക്കാന്‍ സാധിക്കട്ടെയെന്ന് ആശംസാ സന്ദേശത്തില്‍ ഇരുവരും ആശംസിച്ചു.

സ്വാതന്ത്ര്യ ദിനത്തിടനുബന്ധിച്ചു സഊദിയിലെ വിവിധ ഇന്ത്യന്‍ സംഘടകളും സ്ഥാപനങ്ങളും വിവിധങ്ങളായ പരിപാടികള്‍ സംഘടിപ്പിച്ചിട്ടുണ്ട്