കച്ച്: എസ്.യു.വി കാര്‍ രണ്ടു ട്രക്കുകളും കൂട്ടിയിടിച്ച് ഒരു കുടുംബത്തിലെ 10 പേര്‍ മരിച്ചു. ഗുജറാത്തിലെ കച്ച് ജില്ലയിലെ ബച്ചൗ ഹൈവേയിലാണ് സംഭവം. ഉപ്പുമായി വന്ന ഒരു ട്രക്ക് ഡിവൈഡര്‍ മറികടന്ന് മറുവശത്തെ റോഡിലേക്ക് കയറുകയും 11 പേരുമായി സഞ്ചരിച്ച എസ്.യു.വി കാറുമായി കൂട്ടിയിടിക്കുകയായിരുന്നു. അതേസമയം അപ്പുറത്തു നിന്ന് മറ്റൊരു ട്രക്കും കാറിലിടിച്ചു.

കാറിലുളളവര്‍ അപകടം നടന്ന ബച്ചൗവില്‍ നിന്ന് അവരുടെ നാടായ ബുജിലേക്ക് പോവുകയായിരുന്നു. അപകടത്തിനിരയായവര്‍ക്ക് ആവശ്യമായ എല്ലാ സഹായങ്ങളും നല്‍കണമെന്ന് മുഖ്യമന്ത്രി വിജയ് രൂപാനി ജില്ലാ ഭരണകൂടത്തോട് ആവശ്യപ്പെട്ടു.