ന്യൂഡല്‍ഹി: നിയന്ത്രണ രേഖ ലംഘിച്ച് ലഡാക്കിലേക്ക് അതിക്രമിച്ചു കടക്കാനുള്ള ചൈനീസ് സൈന്യത്തിന്റെ ശ്രമം ഇന്ത്യന്‍ സൈന്യം പരജായപ്പെടുത്തി. ദോക്‌ലാ മേഖലയില്‍ കടന്നു കയറാനുള്ള ശ്രമമാണ് പരാജയപ്പെടുത്തിയത്. തുടര്‍ന്ന് അരമണിക്കൂറോളം ഇരു വിഭാഗവും പരസ്പരം കല്ലേറ് നടത്തി. കല്ലേറില്‍ സൈനികര്‍ക്ക് നേരിയ പരുക്ക് പറ്റി.

ഫിംഗര്‍ 4,ഫിംഗര്‍ 5 എന്നിവിടങ്ങളിലാണ് ചൈനയുടെ കൈയേറ്റമുണ്ടായത്. ചൊവ്വാഴ്ച രാവിലെയായിരുന്നു സംഭവം. പീപ്പിള്‍ ലിബറേഷന്‍ ആര്‍മി സൈനികരാണ് അതിക്രമിച്ചു കടക്കാന്‍ ശ്രമിച്ചതെന്ന് ഇന്ത്യന്‍ സൈനിക വൃത്തങ്ങള്‍ അറിയിച്ചു.

ഇന്ത്യന്‍ സൈന്യത്തിന്റെ തക്കതായ ഇടപെടലാണ് നുഴഞ്ഞുകയറ്റം തടഞ്ഞത്. ഡോക്‌ലോം മേഖലയില്‍ നേരത്തെ തന്നെ ഇന്ത്യയും ചൈനയും യുദ്ധസമാനമായ അന്തരീക്ഷം നിലനില്‍ക്കുന്നുണ്ട്. ഇതിനിടെയാണ് ചൈനയുടെ കടന്നുകയറ്റ ശ്രമം.