പെരിങ്ങത്തൂര്‍: കുമിഞ്ഞു കൂടിയ മാലിന്യം കാരണം ദുര്‍ഗന്ധത്താല്‍ വീര്‍പ്പുമുട്ടുകയാണ് പെരിങ്ങത്തൂര്‍ പുഴയോരം.
മഴക്കാലമായതോടെ മാലിന്യങ്ങള്‍ ചീഞ്ഞളിച്ച് വെള്ളം കെട്ടിനിന്ന് ഇവിടം കൊതുകു വളര്‍ത്തു കേന്ദ്രമായിമാറിയിരിക്കുകയാണ്. പെരിങ്ങളം ആരോഗ്യ വകുപ്പിന്റെ നേത്യത്വത്തില്‍ കഴിഞ്ഞ മാസം ശുചിത്വ ഹര്‍ത്താല്‍ നടത്തുകയും മാലിന്യങ്ങള്‍ നീക്കം ചെയ്യുകയും ചെയ്തിരുന്നു. പാനൂര്‍ നഗരസഭയുടെ നേതൃത്വത്തില്‍ ആരോഗ്യ വകുപ്പ് മാലിന്യം തള്ളാന്‍ പാടില്ലെന്ന് വ്യക്തമാക്കി ഇവിടെ ബോര്‍ഡും സ്ഥാപിച്ചു. എന്നാല്‍ ബോര്‍ഡിനെ നോക്കുകുത്തിയാക്കിയാണ് മാലിന്യങ്ങള്‍ നിര്‍ബാധം തള്ളുന്നത്. നൂറുക്കണക്കിന്  കച്ചവട സ്ഥാപനങ്ങളും നിരവധി വിദ്യാഭ്യാസ സ്ഥാപനങ്ങളും നിലക്കൊള്ളുന്ന പെരിങ്ങത്തൂരില്‍ മാലിന്യങ്ങള്‍ കുമിഞ്ഞ് കൂടി ദുര്‍ഗന്ധം വമിക്കുന്നത് നാട്ടുകാര്‍ക്കിടയില്‍ പ്രതിഷേധത്തിനിടയാക്കിട്ടുണ്ടണ്ട്.
മാലിന്യ പ്രശ്‌നം പരിഹരിക്കണമെന്നാവശ്യപ്പെട്ട് നഗരസഭ കൗണ്‍സലര്‍ ഉമൈസ തിരുവമ്പാടി ആരോഗ്യ വകുപ്പ് മന്ത്രിക്ക് നിവേദനം നല്‍കി.