മുക്കം: മുക്കത്തിനടുത്ത് കാരശ്ശേരി പഞ്ചായത്തിലെ സര്‍ക്കാര്‍പറമ്പില്‍ വിദ്യാര്‍ഥിയെ പ്രകൃതി വിരുദ്ധ പീഡനത്തിനിരയാക്കിയ സംഭവത്തില്‍ പ്രതി പിടിയിലായി. കൊല്ലം പറവൂര്‍ സ്വദേശി പുതുവീട്ടില്‍ അബ്ദുല്‍ റഊഫ് ആണ് പിടിയിലായത്. സംഭവ ശേഷം ഒളിവില്‍ പോയ ഇയാളെ നാഗര്‍കോവിലിലെ കല്ലാറില്‍ നിന്നാണ് മുക്കം പൊലിസ് പിടികൂടിയത്.
മുക്കം കാരശ്ശേരി സര്‍ക്കാര്‍പറമ്പിലെ സ്ഥാപനത്തിലാണ് കേസിനാസ്പദമായസംഭവം നടന്നത്. പീഡനവിവരം വിദ്യാര്‍ഥി അറിയിച്ചിട്ടും അധികൃതര്‍ വേണ്ട ഗൗരത്തില്‍ എടുത്തില്ലെന്നും ആക്ഷേപമുയര്‍ന്നിരുന്നു. തുടര്‍ന്ന് വിദ്യാര്‍ഥി വീട്ടില്‍ പോയപ്പോഴാണ് പീഡന വിവരം പുറത്തറിയുന്നത്. രക്ഷിതാക്കളുടെ പരാതിയില്‍ മുക്കം പൊലിസ് കേസെടുത്ത് അന്വേഷണം ആരംഭിച്ചതോടെ മുങ്ങിയ റഊഫിനെ ചൊവ്വാഴ്ച രാത്രിയാണ് പിടികൂടിയത്.