മോട്ടോര്‍ വാഹനവകുപ്പിന്റെ നേതൃത്വത്തില്‍ ഇന്നലെ ജില്ലയില്‍ വ്യാപകമായി വാഹനപരിശോധന നടന്നപ്പോള്‍ പലയിടങ്ങളിലും ബസുകള്‍ ഓട്ടം നിര്‍ത്തി. ഇന്നലെ രാവിലെ ഒമ്പത് മണിയോടെയായിരുന്നു മലപ്പുറം കുന്നുമ്മലില്‍ പരിശോധന. ബസുകളില്‍ പരിശോധന നടക്കുന്നതറിഞ്ഞ് പല ഹസ്വദൂര ബസുകളും ഇന്നലെ കുന്നുമലിലേക്ക് വന്നില്ല. ഇതുമൂലം ദുരിതത്തിലായത് അവിടെ ബസ് കാത്തുനിന്ന യാത്രക്കാരായിരുന്നു. പരിശോധനയില്‍ പെട്ട് പിഴ അടക്കുന്നതിനേക്കാളും ലാഭം സര്‍വീസ് നിര്‍ത്തലാണെന്നായിരുന്നു ബസ് ജീവനക്കാരുടെ വാദം.