മാനന്തവാടി: അഭിഭാഷകന്റെ ഓഫിസിന് തീയിട്ടു. മാനന്തവാടി കോടതിയിലെ അഭിഭാഷകനായ സി.കെ സന്തോഷിന്റെ കോഴിക്കോട് റോഡില്‍ കോടതിക്ക് സമീപം സ്ഥിതിചെയ്യുന്ന ഓഫിസിന്റെ ഒരു ഭാഗമാണ് ചൊവ്വാഴ്ച വൈകുന്നേരം ഏഴോടെ കത്തിനശിച്ചത്. ഓഫിസിനുള്ളിലെ കസേരയും, മേശപ്പുറത്ത് സൂക്ഷിച്ചിരുന്ന ചില കടലാസുകളും കത്തിനശിച്ചിട്ടുണ്ട്.
കൃത്യസമയത്ത് തീ അണച്ചതിനാല്‍ വിലപിടിപ്പുള്ള ഫയലുകളും രേഖളും ഒന്നുംതന്നെ നശിച്ചിട്ടില്ല. പൊട്ടിയിരുന്ന ജനലിലൂടെ മണ്ണെണ്ണയൊഴിച്ച് അജ്ഞാതര്‍ കത്തിച്ചതാണെന്നെതാണ് സൂചന. വൈകുന്നേരം ഏഴോടെ ഓഫിസിലെത്തിയ സന്തോഷാണ് സംഭവം ആദ്യം അറിയുന്നത്. ഓഫിസിനുള്ളില്‍ നിന്നും തീ കത്തുന്നതുകണ്ട സന്തോഷ് സമീപവാസകളോടൊപ്പം വെള്ളമൊഴിച്ച് തീ കെടുത്തുകയായിരുന്നു.
തുടര്‍ന്ന് മാനന്തവാടി പൊലിസ് സ്ഥലത്തെത്തി പ്രാഥമിക അന്വേഷണം നടത്തി. വിരലടയാള വിദഗ്ധരും സ്ഥലത്തെത്തി പരിശോധന നടത്തി.