കൊളത്തൂര്‍: നാഷണല്‍ ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റ് വിദ്യാര്‍ഥികള്‍ ഒരു ഗ്രാമത്തെ ദത്തെടുക്കുന്നു.
ഇതിന്റെ ഭാഗമായി മൂര്‍ക്കനാട് പഞ്ചായത്തിലെ മൂന്നാം വാര്‍ഡ് ഏറ്റെടുത്ത് നിരവധി കര്‍മ പദ്ധതികള്‍ നടപ്പാക്കാനാണ് പദ്ധതി. ദത്ത് ഗ്രാമം ഏറ്റെടുക്കുന്നതിന്റെ ഭാഗമായി കൊളത്തൂര്‍ ബസ് സ്റ്റാന്‍ഡില്‍ നടന്ന പരിപാടിയുടെ ഉദ്ഘാടനം പഞ്ചായത്ത് പ്രസിഡന്റ് കെ. രാജഗോപാലന്‍ നിര്‍വഹിച്ചു. കാര്‍ഷിക മേഖലയെ വളര്‍ത്തിയെടുക്കുന്നതിനു വേണ്ടി കഴിഞ്ഞ ദിവസം വയമ്പറ്റ പാടശേഖരത്തില്‍ നെല്‍കൃഷിക്കായി ഈ വിദ്യാര്‍ഥികള്‍ തുടക്കമിട്ടിരുന്നു.
വാര്‍ഡംഗം ടി. മുരളി മാസ്റ്റര്‍, ജോര്‍ജ് കൊളത്തൂര്‍, എം. മുരളീധരന്‍, സുമീഷ് മാസ്റ്റര്‍ പങ്കെടുത്തു.