ഇരിട്ടി: ഉളിക്കലില്‍ വര്‍ക്ക്‌ഷോപ്പില്‍ നിര്‍ത്തിയിട്ട പിക്കപ്പ് വാന്‍ മോഷ്ടിച്ച കേസില്‍ കാസര്‍കോട് സ്വദേശി അറസ്റ്റില്‍. കാസര്‍കോട് ഉപ്പളയില്‍ മംഗല്‍പാടി ഹൗസില്‍ ഫാറൂക്കാ(32)ണ് ഉളിക്കല്‍ പൊലിസിന്റെ പിടിയിലായത്. ജൂലൈ 19നാണ് കേസിനാസ്പദമായ സംഭവം. ഉളിക്കല്‍ ടൗണിലെ ഒരു വര്‍ക്ക്‌ഷോപ്പില്‍ നിര്‍ത്തിയിട്ടിരുന്ന പിക്കപ്പ് വാന്‍ ഫാറൂക്ക് ഉള്‍പ്പെടെയുള്ള രണ്ടംഗ സംഘം മോഷ്ടിക്കുകയായിരുന്നു. മട്ടന്നൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.