കുമ്പള: ട്രാഫിക്ക് പരിഷ്‌കരണം ആരംഭിച്ചിട്ടും ഗതാഗതകുരുക്കിന് പരിഹാരമാവാതെ വീര്‍പ്പുമുട്ടുകയാണ് കുമ്പളടൗണ്‍. ഈ മാസം ഒന്നു മുതലാണ് ഇവിടെ ട്രാഫിക്ക് പരിഷ്‌കരണത്തിന് തുടക്കമിട്ടത്. ബസ് സ്റ്റാന്‍ഡില്‍ നിന്നു ബസുകള്‍ പുറത്തു കടക്കുന്നിടത്ത് വ്യാപാര സ്ഥാപനങ്ങള്‍ക്കു മുന്നില്‍ ഒരു നിയന്ത്രണവുമില്ലാതെ വാഹനങ്ങള്‍ നിര്‍ത്തിയിടുന്നതാണ് ഏറെ ഗതാഗത തടസമുണ്ടാക്കുന്നത്. പൊലിസ് സ്റ്റേഷന്‍ റോഡിലും രാവിലെ മുതല്‍ വന്‍ ഗതാഗത കുരുക്കാണ് അനുഭവപ്പെടുന്നത്.