ഹൈദരാബാദ്: തെലുഗു നടന്‍ ആരാധകനെ മുഖത്തടിക്കുന്ന വിഡിയോ ദൃശ്യം പുറത്തുവന്നു. നടനും രാഷ്ട്രീയക്കാരനുമായ നന്ദമുറി ബാലകൃഷ്ണനാണ് വിവാദത്തില്‍ പെട്ടിരിക്കുന്നത്. തെരഞ്ഞെടുപ്പ് പ്രചരണത്തിനെത്തിയപ്പോഴാണ് സംഭവം.

മുന്‍ ഹൈദരാബാദ് മുഖ്യമന്ത്രിയും സുപ്പര്‍ താരവുമായിരുന്ന എന്‍.ടി.ആറിന്റെ മകനായ ബാലകൃഷ്ണന്‍ മുഖ്യമന്ത്രി എന്‍. ചന്ദ്രബാബു നായിഡുവിന്റെ ബന്ധു കൂടിയാണ്.

തെലുഗു ദേശം പാര്‍ട്ടിയുടെ എം.എല്‍.എയായ അദ്ദേഹത്തെ സ്വീകരിക്കാനായി ആരാധകര്‍ കൂട്ടമായി എത്തിയതിനിടെ ഒരാള്‍ സെല്‍ഫി എടുക്കാന്‍ ശ്രമിച്ചതാണ് നടനെ പ്രകോപിപ്പിച്ചത്.