ബാഴ്‌സലോണ: സ്‌പെയിനിലെ ബഴ്‌സലോണയിലെ ലാസ് റാംബ്ലസിലെ വിനോദസഞ്ചാര മേഖലയില്‍ വാന്‍ ജനങ്ങള്‍ക്കിടയിലേക്ക് ഓടിച്ചുകയറ്റി 13 മരണം.
ഭീകരാക്രമണമാണ് നടന്നതെന്നും നിരവധി പേര്‍ക്ക് പരുക്കേറ്റെന്നും സ്പാനിഷ് പൊലിസ് പറഞ്ഞു. ജനങ്ങളോട് പ്രദേശം വിട്ടുപോകാന്‍ പൊലിസ് നിര്‍ദേശം നല്‍കി. പ്രദേശത്തെ കടകളും മറ്റും അടപ്പിച്ചു. മെട്രോസ്റ്റേഷനും പ്രാദേശിക റെയില്‍വേ സ്‌റ്റേഷനും അടച്ചിടാന്‍ പൊലിസ് നിര്‍ദേശം നല്‍കിയതായി റോയിട്ടേഴ്‌സ് വാര്‍ത്താ ഏജന്‍സി റിപ്പോര്‍ട്ട് ചെയ്തു. നിരവധി പേരെ ഇടിച്ചുതെറിപ്പിച്ച വാനിന്റെ ഡ്രൈവര്‍ ഓടിരക്ഷപ്പെട്ടുവെന്ന് എല്‍ പെയ്‌സ് പത്രം പറയുന്നു.
പ്രദേശത്ത് കവചിത വാഹനങ്ങളും ആംബുലന്‍സും നിറഞ്ഞിരിക്കുന്നുവെന്ന് പ്രദേശവാസി ബി.ബി.സിയോട് പറഞ്ഞു.