കോഴിക്കോട്: സ്ത്രീകളുടെ കലാപരമായ കഴിവുകള്‍ പ്രോത്സാഹിപ്പിക്കുന്നതിനും അവസരങ്ങള്‍ ഒരുക്കുന്നതിനും കുടുംബശ്രീ നടത്തുന്ന സംസ്ഥാന കലാമത്സരം 'ആവിഷ്‌കാര'ക്ക് ഇന്നു തിരിതെളിയും. കേരള സാഹിത്യ അക്കാദമി, സംഗീത നാടക അക്കാദമി, ലളിതകലാ അക്കാദമി എന്നിവരുമായി സഹകരിച്ചാണ് മൂന്നുദിവസം നീണ്ടുനില്‍ക്കുന്ന പരിപാടി സംഘടിപ്പിച്ചിരിക്കുന്നത്.
മേളയുടെ ഉദ്ഘാടനം രാവിലെ പത്തിന് ടൗണ്‍ഹാളില്‍ സാഹിത്യ അക്കാദമി ചെയര്‍മാന്‍ വൈശാഖന്‍ നിര്‍വഹിക്കുമെന്ന് കുടുംബശ്രീ അധികൃതര്‍ വാര്‍ത്താസമ്മേളനത്തില്‍ അറിയിച്ചു. പി.എം.ഒ.സി ഹാള്‍ വെള്ളിമാട്കുന്ന്, ബേപ്പൂര്‍ വൈലാലില്‍, ആനക്കുളം സാംസ്‌കാരിക നിലയം, ആര്‍ട്ഗാലറി എന്നിവിടങ്ങളിലാണ് മറ്റു വേദികള്‍ സജ്ജീകരിച്ചിരിക്കുന്നത്. വാര്‍ത്താസമ്മേളനത്തില്‍ പ്രോഗ്രാം മാനേജര്‍ സോയ തോമസ്, ജില്ലാ മിഷന്‍ കോഡിനേറ്റര്‍ പി.സി കവിത, അസി. കോഡിനേറ്റര്‍ ഗിരീഷ്‌കുമാര്‍ സംബന്ധിച്ചു.